صبااااح جميل مشمس رحت مع اخيتي في جولة لمدينة الفحيحيل
ورحنا الى مجمع الكوت وكان جدااا هادي والناس لاهيه في الدوامات
اخذنا فطور من كاريبو عند النافورة الموسيقية :/ بس احنا قعدنا داخل المقهى كان هدوء وما فيه احد كل الي طالبين جالسين بره عند النافورة بس لانه كان موسيقى جلسنا داخل :) وكان ادفى يعم المكان :)
وبعدها بفترة اذن الظهر ورحنا مصلى الكوت كان هادي ومريح فصلينا وكملنا جولتنا
دخلنا محل ساعات الطرف الاغر وعجبتني ساعة من ماركةtagheuer وسعرها كان 1600 دينار كويتي
حلووو حيل فيها الماس ومينتها متوسطة الحجم مناسبة جدااااا :) بس السعر كان غير مناسب لميزانيتي :(
ومرينا على محل زهور الريف الصراحة روووعه يجنن فيه عطور احلى من بودي شوب
وهذا الي على شكل مدور اقراص ما هو بشمع :) لا هذا فواح بودر مجمد تكسرين
منها قطع صغيرة وتحطينها على صحن الفواحة وتذوب وتطلع ريحة تهبل انا اخذت
الي على الفراولة وفواكه مشكله
وشريت بعد منهم فواحة للحمام اعزكم الله شكلها عجبني وناعمة :)
الاقراص سعر الوحدة 750 فلس و الفواحة تقريبا 2،500 دينار
وشريت منهم عطر اسمة كاميليا وايد حلو ورومانسي وبارد على الملابس و الجسم وسعره 6،950 دينار وفي منه سبراي للجسم ولوشن وشاور جيل وكريم لليد ومعقم لليد وشامبو وبلسم للشعر وايد عجبني لانه من كل نوع فيه مجموعة كامله :) بس انا اكتفيت بالعطر كتجربة اوليه :)
ومرينا على سنتر بوينت الي بمجمع البيرق وشتريت كم شغلة ومنهم هالعطرD&G وعطوني عينات عطور
ليست هناك تعليقات:
إرسال تعليق