السلام عليكم ورحمة الله وبركاته
مساااااكم عسل وقشطة
هالتدوينة راااح تكووون عن افضل منتجات استخدمتها
راااح اعطيكم نبذه عن نوع بشرتي
نوع البشرة : مركبة مائلة لان تكون دهنية في فصل الصيف "
حنطية مائله للبياض
على حسب الظروووف النفسية و الجسمية يطلع لي حبوب
في اغلب الاوقات تكون صافية لله الحمد
تعاني من الشحوب في مواسم معينة
طيب نجي الحين للمنتجات البشرة
انواع الغسووول الي جربتها حبيتها
*صابونة اكني ايد "عجيبة بمعنى الكلمة للحالات الطارئة تعالج المناطق الي تعاني من حبوب محمرة ومالمة يسبب القليل من الجفاف يجب استخدام مرطب او سيروم بعده "
بصرااااحة اختراع خطيرررررر
* غسول gerovital plant" مريح وخفيف على البشرة مناسب جدا للبشرة المركبة و الدهنية حيل رررراااايق هالغسووول
* غسول Dermahealعبارة عن كريم يتحول الى رغوة فورية تحت الماء ومناسب للي تستخدم برنامج تقشير للبشرة خاصة البشرة الدهنية و المركبةو يزيل المكياج بعد التنظيف بالمزيل "
* غسولCLINIQUEحليو ما عليه كلام
غسولclean &clear وهو عبارة عن غسووول يومي مع مقشر خفيف " انا الصراحة استخدمه قبل المكياج وبعد ما اغسل فيسي الجميل من المكياج اغسل فيه كخطوة اخيرة
افضل مزيل للمكياج Bioderma الصراااحة حيل ارتحت عليه ما سبب لي اي نوع من التهيج او الجفاف او الحبوب وحتى حق العين جدا مناسب ما يؤذي العين ويزيل المكياج بسهوووله
افضل محلول للعدسات الاصقة ماركة بيلا Bella الصراااحة خطيررره
هالماركة العدسات حقتها
يااااابوووي تجنن حبيتها كثيررر لانها تبين انها طبيعي وفي منها نوعين مكبرة للعين وفي منها العادي ذات الالوان
انا الي حبيتها مكبرة العين يااااي تخلي عيوونج مثل اللعبة اليابانية
وعندي منها 3 الوان
الاخضر و البني و الازرق
هذى افضل امبولات للترطيب وللتعقيم
هذي الامبولات عبارة عن زيت مرطب للي يعانون من الجفاف انصحكم فيها الي تبي تحطها قبل العدسات تحط من الامبولات قبلها بساعة على شان ما تضبب عينج عليج وحلوووو بعد العدساااات ترطيبها خطيرررر :)
وهذي الامبولات للتعقيم والترطيب عبارة عن سائل حيل خفيف ولا يسبب غشاوة في العين اعطيه 10 /10 ممتاز
تكفي امبوله واحده للعينين ^_^
افضل أساس قبل المكياج
و لي الحين انا هابه في ماركة benefit
وهذي صورهم
البرايمر
الحلوو فيه انه خفيف ويندمج مع لون البشرة ومهمته يخفي المسام الواسع الى المتوسط
اول واحد نحط البرايمر بعدين " البييز او البيس"
وهالبييز ميزته فيه فيتامين E
وريحته حلوووه
وعندي حمرة الخدووود السائل هذي ثاني علبة استخدمها يااااا حبي لها تجنن تخليج مررره حلوووه وبشرتج منورة للي يحبون اللوك الطبيعي المشرق انصحهم فيهاااا
وش بعد .... وش بعد
أممممممم
أي
استخدم تاتو بودر للحواحب درجة اللون البني الفاتح رقم 1
طبعا لاحظتوووااا اني ماكلته اكل خخخخ،،،،
يعطي شكل حلووو للحاجب انا ماخذته من ماركة مكياجي الايطالية
عن جد خطيرررر اخلطه مع مثبت للمكياج بفرشة لرسم الحاجب ويطلع خطنطري ^_^
انا استخدم فقط البودرة لاني ما حبيت الكريم
تخص التبيض وتوحيد لون البشرة وكلها للامانه كريمات طبية
ومجربتها على نفسي وشفت نتايجها صحيح ماهي سريعة نتايجها لكن الأهم انها تظل فترة طويله محافظة على النتيجة مع العناية طبعا ً
اول كريم من هالماركة
كريم للعناية بالبشرة يرطب
يحمي من مظاهر الشيخوخة المبكرة بما انه جو الخليج انه حااار
فيسبب مشاكل للبشرة
يطبق على بشرة نظيفة ويستخدم مرتين نهارا وليلا
هذا الكريم فقط يستخدم في الليل قبل النوم بنصف ساعة
يعمل على توازن الدهون في البشرة ويحافظ على H.P
متوازنه
اممممم نجي حق الواقي لاشعة الشمس
انا استخدمت كثيررر مناسبني شي الا هذا
مع انه spf حقته قليل 25 بس
بس حبيته 3> في نسبة مرطب عاليه
وانا شخصيا ً ما تعرض للشمس بشكل مباشر لاني متنقبه لله الحمد :) واحاول اتجنب الاماكن الي فيها شمس :)
طيب ،،،، التبيض افضلهم الصراحة
وكلها تُستخدم قبل النوم
الدكوين 4% " غني عن التعريف وفقط يستخدم قبل النوم وبعيد عن الاضاءة القوية وحرارة المطبخ عند الطبخ "
وافضل مقشر الرتن A
وأفضل كريم لعملية تنظيف البشرة من الرؤوس السوداء :/ هذا الكريم يستخدم مرة واحده قبل النوم مباشرة تدهن المناطق المتضررة فقط لا غير (",)
الحين عندي لكم مقشر للجسم خرااافي
يستخدم قبل الاستحمام
على بشرة جافة يفرك الجسم من الاسفل الى الاعلى لتنشيط الدورة الدموية
يطبق على البشرة مره الى مرتين اسبوعيا ً
مثالي في حالات الجفاف الشديد و الشعر تحت الجلد
يعمل على تقشير الجلد لحمايته من التصبغ الجلدي
افضل لوووشن حسيته خفيف وحلو وسريع الامتصاص لوشن 21 بالصبار للبشرة الجافة ما يسمر ولا يخرب البشرة الا يعطيها حيويه ورونق
اما هذا اللوشن مع السبراي للجسم للي تبي تدلع عمرها
وحلووو كثير للمناسبات البسيطة و الرايقة يعطي اضاءة فيها نوع من البقمنت يعني باختصار حلووو لسيقان و الاذرع و الصدر ومنطقة الظهر
إلي تحب تكووون ريحتها بيبي ونظافه
تستخدم هالنوع من البووودر للأطفال
حيل رايق وخفيف ولا يسبب الحساسية حبيته 3>
وانا استخدمه مع البووف حقت البيبي
امممممم ،،،،
في شامبووو( نيزورال) مررره خطير للي يعانون من الافرازات الدهنية في فروة الرأس المسببه للقشرة و الالتهاب
يستخدم على الشعر لمدة 5 دقائق ثم يشطف بالماء ممكن تستخدمين بعده الشامبو العادي حقت شعرج :)
ان شاء الله تستفيدون من هالمنتجات
واي سؤال انا تحت امركم :)
هاي اثير !!
ردحذفعن جد شكرا على المعلومات الرائعة ..
جربت البرايمر حق بينفت !! جدددن خطير و زي ما قلتي يتجانس مع البشرة .
لكن حابة اسألك عن واقي الشمس دا http://up.arjwan.com/upfiles/iQl84748.jpg
فين القاه ؟؟ مع العلم اني في جدة
و برضو كمان مقشر الجسم
http://up.arjwan.com/upfiles/5Zj87997.jpg
و مشكورة مقدما !!
وعليكم السلام ورحمة الله وبركاته
ردحذفهلا وغلا فديت أهل جده 3> وفديت اهل السعودية كلهم ،،،،
يا عمري انت من ذوووووقج أهم شي انكم تستفيدون ولا تنسونا من صالح الدعاء 3>
حبيبت قلبي ،،،، تحصلين المرطب الي فيه نسبة واقي من اشعة الشمس من ماركة كلينيك تلقينة في مراكز التجميل ...
اما بالنسبة لسنفرة تحصلينها في الصيدليات الكبيرة وماركتها dermadoctor
وتتهنين فديتج بالنتايج ويشرفني انضمامج لمدونتي :*
.. الله ينور طريقك و يحفظك ..
حذفشكرا يعطيكي العافية حبيبتي !!
لو سمحتى وش الكريم المرطب المناسب بعد كريم التقشير
ردحذفلو سمحتى وش الكريم المرطب المناسب بعد كريم التقشير
ردحذف