اللهم رضني بقضائك حتى أعلم أن ما اصابني لم يكن ليخطئني وما اخطأني لم يكن ليصيبني

الجمعة، 22 يونيو 2012

احداث هذا الاسبوع 18/6 الى 22/6

السلام عليكم ورحمة الله وبركاته 
مساكم الخير و السعادة 



يوم الاثنين رئيسة قسمنا فديتها سويت لنا بوفيه صغنون بمناسبة اننا انهينا العام الدراسي على خير وسلامة لا فاقدين ولا مفقودين 

تقيمي للبوفيه 10/8
و الشاي و القهوة هي مسويتهم طبعا رئيسة قسمنا الشاي 10/10 و الحلا القيمات 10/10 



للطلب من



ويوم الثلاثاء احنا البنات طلبنا فطور صغيرون و صاحبتي منوووو هي الي طلبت لنا من  سالات بوتيك
تقيمي 10/10 ينفع للوهقات 

طلبنتا فطور على الطريقة لكويتية و فطور على الطريقة الشرقية 


رقمهم لطلب
25355755

يوم الخميس 
هيااااااااا

وناسة انتهينا من العام الدراسي على خير وبلشنا عطله نهاية السنة الله يطرح فيها البركة و الخير اللهم امين 
وكان الدوام قصير من الساعة 7:30 الى ال 10:00 
بعدها سلمنا على بعض وتوكلنا كلن على مشاويره 


عاد وانا رايحة اقضي مشاويري ولا يحصلي حادث قوي 
ربي نجاني منه ربي لك الحمد



احداث الحادث وانا في طريقي على الدائري السريع خط فحيحيل قريب على منطقة عقيله 
كانت سرعة السيارات غريبة مسرعين مدري ليش الظاهر و الله العالم الجو الحار مأثر عليهم وعلى مزاجهم 

كنت ماشيه في الحارة اليسار وطول الطريج وانا قلبي مقموت و منقبض كل مره اكتفي بدعاء الركوب و اتوكل على الرحمن واحيانا استودع نفسي وسيارتي والي راكبين معي 

لكن هالمره حسيت غير بس ما جا في بالي بيحصل لي حادث 
استودعت نفسي الرحمن وسيارتي بعد دقايق معدودة ولا اشوف مرسيدس مررره لاصقه في سيارتي من الخلف فتحت لها كمل وهو مسرع ولا اشوف ذاك الدخان الابيض بشكل يخووووف 

وراحت المرسيدس باتجاه اليسار لحارة الامان وحكت السيارة من اليسار في صبة الكونكريت وكمل مشى واشوف السيارة الي امامي البيضا توايرها تطلع دخان ابيض وانا كنت مو مسرعه فحسيت اقدر اتفادى الحادث وخففت اكثر رفعت نظري للمرايا الاماميىة ولا اشوف الكابرس وهو مسرع لبس في سيارتي واصتدم يالصبه جهة السيار 

ربي رحم حالي وقفة السيارة للحظات وحاولت اتجاوز الشارع للجه اليمين 


وهذي صورة سيارتي اول مررره يحصل لي فيها حادث من شتريتها  كنت حزينه مرره الا انه الحمدلله قدر الله وما شاء فعل 
مع اني سيارتي الي قبل صار لي فيها حادث اكبر من هذا 


الحمدلله ،،،، الحمدلله ،،،، الحمدلله

 

هناك 4 تعليقات:

  1. الحمدلله على سلامتك ياقلبي
    في الحديد ولافيك .. لو مسويه تامين على سيارتك تسويها لك الورشه

    ردحذف
  2. السلام عليكم ورحمة الله وبركاته
    هلا فيج فديت قلبج
    الله يسلمج من الشر يا بعد رووووحي ...
    لا فديتج مو مسوية تأمين صلحتها على حسابي :/
    وكل عام وانت بخير ادري جات متأخرة مررره بس تدرين لهيت برمضان ما فتحت المدونة ومررره ولهت عليكم حبي لكم 3>

    ردحذف
  3. الحمدلله على سلامتك. الله سلم. بالحديد و لا فيك.
    الحمدلله الضربة خفيفة و بسيطة. معوضة إن شاء الله. ما تشوفين شر.

    ردحذف