السلام عليكم ورحمة الله وبركاته
مساء الخير يا احلى متابعين
بعرض لكم اليوم حلا كوكتيل للفواكه البرية
الي يحب الزبادي (الروب)
راااح يحبه وااايد
وبعد سريع للطلعات الي تجي فجأه
المطلوب :
علبة بسكويت دايجستيف أو أي بسكويت شاي
أصبع زبدة سائحة
علبتين روب
5 فناجين الى 6 فناجين حليب بودر
2 فنجان سكر بودر ( انا استغنيت عنه بسكر تروبيكانا سلم حطيت 5 أكياس )
شويت ماء
شويت ماء
روز بيري ،، بلاك بيري ،، فراولة
الطريقة :
نكسر البسكويت حتى يصير بودر نمزجه بعدها بالزبدة السائحة ونرش عليها ماء مع كل خلط نرش ماي
فايدة الماء مع خليط البسكويت ما يصير صخر ويابس بعد كم يوم وهو في الثلاجة
و نتركها على جنب ...
نجي الحين للخلطة الروب
نفرغ علبتين الروب ونضيف عليهم 5 فناجيل حليب بودر ، ونخلطة لين يذوب الحليب البودر، بعدها نضيف السكر
نجيب اواني صغيرة او أي بايركس انتي حابة تحطينها فيه :)
نرص البسكويت المطحون زين بعدها نحط خليط الروب ونزينه بالفواكه البرية الأنيقة و بعدها على طول للثلاجة يبردون
وعليكم بالعافية
ليست هناك تعليقات:
إرسال تعليق