السلام عليكم ورحمة الله وبركاته
مساكم سعيد ولذيذ من شوقي لكم ..
تدويني اللذيذة أكتبها لأني
لقيت وقت قبل النوم قلت أكتب فيه هالتدوينه على ما اشرب الشاي الي أحبه شاي ابيض بطعم البارميت كتبت عنه سابقاً ..
نجي للاهم
انا من الناس الي ما تحب المايونيز لانه مو صحي وكله دهون مهدرجه واشياء تجيب الحارج بعد الأكل ويزيد الوزن بشكل رهيييييب
فلقيت من دكتور تغذية ولاعب نينجا رياضي الاستاذ فهد اليحيى هذه الخلطة واعتمدتها على الطووول لانها صج لذيذة وكلها ألياف و دهون صحية اللي الجسم يحرقها ويستغلها كطاقة بدل التخزين وتشهي في الأكل
الله يجزاهم كل الخير عنا ..
الكمية تكفي من 2-4 اشخاص كصلصة جانبية جنب الأطباق الرئيسية أو المقبلات أو السلطات ....
المطلوب :
2 حبة افوكادوا حجم وسط
2حبة ثوم كامل فرش
2ملعقة كبيرة خل التفاح
2 ملعقة كبيرة خل ابيض
عصير ليمونه كامله
ملعقة صغيره من فلفل تباسكووو
الطريقة :
نخلط المقادير السابقة كلها في وعاء في الخلاط اليدوي مثل بروان " الي يستخدمونها لخلط وهرس الشوربة و الفواكه للأطفال " حتى تتجانس نفس الي بالصورة
نحفظ الخلطة في وعاء محكم الغلق وتحفظ في " الثلاجة " لحين الأكل ..
وبالعافية على قلوبكم
تسلم إيدك يا أثير و شكراً على الوصفة. بالفعل لازم نخفف من الأكل المصنع مثل المايونيز و الكاتشاب و نستبدلهم بأكل طبيعي و مغذي.
ردحذفحسب تجربتك كم مدة صلاحية الخلطة في الثلاجة؟
هلا الغالية ...
ردحذفالله يسلمج يا الحبيبة ^_^
الصلاحية الصراحة ماعندي فكرة عنها بس انا من ملاحظتي على هالخلطة تظل صالحة لمدة اسبوع تقريبا
انا استخدمها بشكل يومي و الكمية تكفي لأربع ايام للشخص الواحد :)
ضروري جربيها وعطيني رايج ..
دمتي بود
شركة تنظيف منازل بالاحساء
ردحذف